大推韓國$30遮瑕膏 性價比極高

大推the saem遮瑕膏!最近去咗韓國,明洞買咗4枝返嚟,平均都係$30左右港紙一枝,好用又抵買!

圖右係平時用開､有膚色度數嘅遮瑕,我多數特登揀淺色一度,再搽落highlight位+黑眼圈,順便塑造輪廓｡點知去到明洞店,店員推介下先知,佢哋有出埋highlight用遮瑕,圖左一同二就係for highlight用,包括T字位､眼下三角位｡而左邊數過嚟第3枝就係黑眼圈專用,原來而家出咗咁多款,大開眼界!

我最鐘意佢遮瑕效果之外,仲會遮埋毛孔,如圖,中間用咗佢之後,連毛孔都無埋,睇返隻手左面少少位置無使用產品,好明顯比較係睇到好多毛孔,證明佢遮到毛孔｡

另外鐘意佢刷頭好細,方便搽落細啲嘅位置,例如平時我只用在T字位(額頭+鼻位)同埋黑眼圈,佢刷頭喺鼻上畫一條直線,再用手指輕輕擦開,就剛好做埋陰影位,唔需要再打陰影｡當然要再加bb cream/粉底啦｡

唔好睇佢細細枝,基本上每日我都會咁用,暫時用左半年有多都仲未用完!好用+抵用,大推!!!


#時尚美妝企劃 #LanghamBeautyFest