夏天咁熱去大阪京都可以有咩行程？可以試下係京都貴船望住溪流瀑布食既正宗流水麵，每年只有5月至9月開放，可以把握呢段時間去體驗一下。
交通方面可以搭乘京阪電車到貴船口站下車到對面轉乘33號公車，下車往山上走五至十分鐘左右就見到餐廳。
上午11點開始就可以到櫃檯付款，每人2000日圓(含稅)，只收現金，付款後會拿到一個扇子號碼牌，同時店員會講大約要等幾耐再返黎餐廳。當日小編11點就到店外排隊，排左30分鐘左右先拎到號碼牌，店員就叫我地2.5小時後返黎。大家如果唔想等咁耐，就要係開店前早30分鐘過黎排隊啦😉 而每日只會派100個號碼牌，先到先得。
等待期間可以去附近既貴船神社行下，試下佢地獨有既水占卜，行到攰仲可以係附近既Cafe嘆下咖啡，飲杯茶，食返個甜品。差唔多時間可以入去餐廳等候區等待叫號，雖然天氣炎熱，但現場都好涼爽，仲可以望住超靚既溪流瀑布景色😍
流水麵一組人(以號碼牌計)會用一條通道，唔驚同陌生人共用會有衞生問題。一節流水麵大約10分鐘，每人有十團麵，最後一團會係粉紅色麵，食埋就知呢節完結。而夾唔到流走左既麵係無得還，所以要小心睇住唔好錯過🤭 麵食落清涼爽口，口感爽彈，沾上鰹魚醬油同山葵一齊食味道剛剛好👍🏻 佢仲每人附送一客抹茶蕨餅，味道亦唔會過甜，抹茶味濃郁帶回甘，但真係食得有啲趕🤭 食完就立刻輪到下一輪客人。
ひろ文（hirobun）
地址：京都市左京区鞍馬貴船町87
營業時間：5~9月 11:00 ~ 16:00（最後點餐時間）（不定休，下雨不開放）
綜合評分
環境：5/5
食物：4/5
衛生：4/5
打卡指數：5/5
CP值：4.5/5
人均消費：HK$100
想睇更多食評請Follow女乃花余🤗
@milktea_foodie_good.west
#京都 #貴船 #ひろ文 #正宗 #流水麵 #溪流瀑布 #值得一試 #又好玩又好食 #交通方便 #風景優美 #畢生難忘 #但要等三個鐘 🙈 #一節流水麵十分鐘 #可以去附近行住等 #貴船神社 #水占卜
